Sa Pagitan ng Ngayon at Kailanman

Minsan, may nagtext sa akin ng ganito. "Sino ba dapat ang pipiliin ko? Pero sino nga rin ang nagtatakda ng 'dapat' sa buhay natin? Kung yung bang gusto ko ay tama?" Hindi ko rin alam. Malamang wala rin akong nakahandang kasagutan. Iyan din ay tanong ko sa sarili. Sa pag-aasam na masagot ang katanungan, nakatagpo ako ng isang awit na puro tanong din. Marahil nakuha nito ang mga tanong na gusto ko rin tanungin...

Sa Pagitan ng Ngayon at Kailanman

Likha ni Gary Granada

Sabi nga..

Sana ang buhay laging tama o mali

At ang katanunga’y simpleng oo o hindi

Kung ganun dalangin kong ikaw ay mamalagi

Sa pinakatangi mong pinakamimithi

Ngunit paano kung ang hinahanap mong ligaya

Ay nagkataong nalaman mong naroon pala

Sa magkabilang mundong magsinghalaga sa iyo

Paano ba mananatiling totoo

Ang galak at dalamhati ay paano hahatiin

At paano ka pipili kung wala kang pipiliin

Ano ang gagawin ng pusong di mapagbigyan

Ang magkatunggaling pangako at pakiramdam

May isang paruparong paroroo’t paririyan

Sa pagitan ng ngayon at kailanman

Paano ka magpapasya, paano mo mapagkasya

Paano ba mapag-isa ang isa’t isa

Kung isang araw magtalo ang panata’t panaginip

At ang iisa mong puso minsan ay magdal’wang-isip

Sa kalagitnaan ng pag-asa’t pag-asam

Sa dulo’t bungad ng pinagtagpo’t natagpuan

Ibig kong alamin kung ang pag-ibig may puwang

Sa pagitan ng ngayon at kailanman

Ano ang sukatan, alin nga ba ang mas mabigat

Sa isang sugatan, ang tunay ba o ang nararapat

Kung isang araw maghalo..

Ano ang gagawin ng puso kong nahihibang

Na nalilibang, na nagigibang naninimbang

Sa pagitan ng ngayon at kailanman.